काठमाडौं, फाल्गुन १७ । नेपाली राष्ट्रिय क्रिकेट टोलीका महत्वपूर्ण सदस्य सन्दीप लामिछाने आईसीसी विश्वकप लिग २ खेल्न युनाइटेड अरब इमिरेट्स (यूएई) उडेका छन ।
सन्दिप आज दिउँसो तीन बजेको फ्लाइटमा युएई उडेका हुन। अदालती प्रक्रियाहरु सबै पूरा गरेर क्यानका एक सदस्य सहित सन्दिप युएई उडेका छन ।
भोलि नेपाल र युएई बिच आईसीसी विश्वकप लिग २ को खेल हुँदैछ। यदि सन्दीपलाई आईसीसीले खेल्ने अनुमति दिएमा भोलिको खेल खेल्नसक्ने भएकाले आजै सन्दीप युएई गएका हुन ।
आइसिसी विश्वकप लिग–२ अन्तर्गतको युएईमा हुने ४ मध्ये तीन खेल बाँकी रहेको छ।पहिलो खेलमा नेपालले पपुवा न्युगिनिलाई ३ विकेटले हराएको थियो ।बिश्वकप क्वालिफाएरमा सोझै छनोट हुन नेपालको लागि भोलिको खेल निकै महत्वपूर्ण रहनेछ ।
